CAGAYAN DE ORO CITY- Dawat na sa amahan sa menor de edad ang brutal nga kamatayon sa iyang 17-anyos nga anak kinsa gilabay sa kasagbutan sa San Nicolas,Brgy Puntod sa syudad.
Sumala sa amahan nga si Erick Lumacang nga aminado siya nga dili niya makaya’g pitol ang kalaagan sa iyang kinamagulangang anak nga si Jeramie Lumacang.
Siya miingon nga gidid-an na sa iyang kapikas ang ilang anak nga molakaw niadtong bisperas sa bag-ong tuig apan nagtuman kini ug miadto sa balay sa iyang hinigugma nga si Mark Sagaan.
Samtang giangkon sa higala ni Jeramie Lumacang nga si alyas Baby Girl nga nagmahay siya sa biktima sa wala pa kini brutal nga gipatay.
Matud ni alyas Baby Girl nga iya nang gibadlong ang biktima nga dili mokuyog sa inom sa tulo ka lalaki nga sila si Rick John Polinar, Erick Polinar ug Mark Sagaan apan wala kini naminaw kaniya.
Nagsabot sila si alyas Baby Girl ug ang biktima nga magsaulog sa bag-ong tuig sa ilang panimalay.
Sa pikas bahin,dako ang pagtoo ni Rhea Mae Sagaan nga walay kalabutan ang iyang anak sa brutal nga kamatayon ni Lumacang kinsa gilabay sa kasagbutan sa San Nicolas,Brgy Puntod sa syudad.
Si Sagaan miingon nga nasayod siya nga nakig-inom ang iyang anak sa mga barkada niini apan kumbinsido nga wala kalabutan sa krimen.
Kini tungod kay iya kining gi-apas apas sa imnanan hangtud gitabang tungod sa sakit nga ulcer.
Samtang giibutyag ni Mark nga si Lumacang maoy nagsunod-sunod kanila sa dihang nag-inom sila diha sa Agora,Brgy Lapasan ning syudad.
Matud ni Sagaan nga iyang gibiyaan sila si Rick John , Erick ug Lumacang sa dihang misulod sila sa usa ka videokehan tungod kay giatake ang iyang sakit nga ulcer.
Si Sagaan ang usa sa mga giila nga witness sa krimen nga gihimo sa iyang higala nga si John Polinar batok sa menor de edad.
