Gipamugos ni Senador Risa Hontiveros nga angay nga nakabasi sa panginahanglan sa mga Pilipino ang paghatag sa hinabang ubos sa Assistance to Individuals in Crisis Situation (AICS).
Matud sa senador, kinahanglang nakabasi ang paghatag sa hinabang ubos sa AICS sa panginahanglan sa tawo ug dili sa kung kinsa ang iyang kaila o kung kinsa ang nagrekomenda kaniya.
Gihimo niini ang katin-awan sa pagduki-duki sa mga senador sa ihatag nga nasudnong pondo sa Department of Social Welfare and Development (DSWD).
Dili gusto sa senador nga adunay mga anomaliya o masudlan sa sindikato ang ayuda system sa gobyerno sama sa duplicate payments, ug ang digitization niini dili dapat magsalikway sa mga tawo nga walay bank account, walay cellphone, dunay dili maayong koneksyon o adunay dili kompletong mga rekord.
