Gigamit sa Northern Mindanao Federation of Transport Cooperatives (NOMFEDTRANSCO) ang tanan opsyon aron musaka’g balik ang ilang kinitaan.
Usa niini ang pagreduce sa pagpabiyahe sa ilang yunit aron makadaginot sa itubil nga lana, ug gamay ra nga drivers ang ilang masweldohan.
Apan luyo niini tanan, mi-angkon si Luzminda Escobidal nga “losing” gihapon ang ilang kooperatiba tungod kay kada semana adunay pagsaka presyon sa lana.
Siya miingon nga bisan gipatuman na nila ang ilang contingency plans dili gayud mapakilid ang makatuoran nga dili nila mapugnan ang presyo sa lana.
Busa taman ra sa pagmahay ug pagsakripisyo ang gibati sa ilang mga drivers nga sa pagkakaron namahulay una sa ilang trabaho.
Una niini, nangayo’g pasaylo si Escobidal sa ilang mga sumakay tungod kay aduna nay mga rota nga dili una maka-operar ang ilang mga draybers kay dili gansi na sila kada adlaw.
Hisayran nga sukad Marso 9, nagka-anam ka gamay ang ilang kinitaan, ug ning adlawa, Abril-3 Biyernes Santo, ilang gi-undang temporaryo ang ilang operasyon.
