Usa ka dakong kalapasan sa Konstitusyon ang plano nga pagpakunhod sa gikinahanglang boto sa impeachment trial batok kang Bise Presidente Sara Duterte.
Mao kini ang gipasidaan ni United People’s Initiative o UPI President Retired Brigadier General Atty. Virgilio Garcia, diin gitin-aw niya nga ang tinud-anay nga tumong sa maong lakang kay aron lang masiguro nga mapa-lagpot ang bise presidente pinaagi sa pagpaubos sa kinahanglang boto.
Gipahayag ni Garcia nga dili pwedeng usbon o kuhaan ang ihap sa mga senador tungod kay sigun sa balaod, kinahanglan gayud ang 2/3 o 16 ka positibong boto gikan sa tibuok 24 ka sakop sa Senado.
Dugang pa niya, inosente ang usa ka gipahamtangan og kaso samtang wala pay lig-ong ebidensya, busa kinahanglang ipaboto ang tanang senador aron magpabilin ang sakto ug patas nga proseso sa hustisya.-
