Gipamugos ni outgoing Philippine National Police (PNP) Chief Rommel Marbil nga dili “Reward” sa Marcos Administration ang pagpili kang Maj. Gen. Nicolas Torre III isip bag-ong hepe sa ilang organisasyon.
Una nang migawas ang report nga ang pagsulbad ni Torre sa high profile cases sama sa pagdakop kang Pastor Apollo Quiboloy ug kang kanhi Presidente Duterte maoy sukdanan aron siya mahimong lider sa nasudong kapulisan.
Nagtoo si Marbil nga nakita sa selection committee ni President Ferdinand Marcos ang lig-ong trak record ni Torre ug ang iyang mga kalampusan dihang i-assign siya sa usa ka unit sa PNP o samtang anaa sa mga regional offices.
Hisayran nga si Marbil gitakdang mu-retiro sa Hunyo 7, apan ang turnover ceremony ug pagpanumpa ni Torre himoon ugma adlawa.
Suportado ni Marbil ang gihan-ay nga mga reporma ni Torre alang sa iyang panguluhan nga kapin 232,000 PNP Force.
