CAGAYAN DE ORO CITY, Philippines – Nanghunaw si Presidente Ferdinand Marcos Jr., sa akusasyon nga gipugos niya ang iyang anak nga si House – Senior Deputy Majority Leader, Ilocos Norte 1st District Congressman Ferdinand Alexander “Sandro” Araneta Marcos III nga maoy mangunay sa pagpirma aron ma-impeach sa kamarabaha si Vice President Sara Duterte.
Sa pakighinabi sa press, mitug-an ang presidente nga walay bas-bas gikan kaniya, ang desisyon ni Sandro gumikan kay igo lang mikonsulta kaniya ang iyang kamagulangang anak.
Si Marcos miingon nga kinahanglan tumanon ang tahas nga gisapnay kanila isip magbabalaod ug sinaligan sa katawhan.
Una niii, mitug-an ang presidente nga nakurat siya dihang nag-una sa listahan si Sandro sa 215 ka mga kongresista nga misugot nga masipa sa puwesto si Bise Presidente Sara Duterte.