Usa ka dako ug peligroso nga hulga sa demokrasya ang pagoktaba sa piniliay sa Barangay ug Sangguniang Kabataan tungod kay gihikawan niini ang katawhan sa ilang katungod sa pagpili og bag-ong lideres.
Kini ang gipahayag ni Atty. Samson So Tan sa Liceo de Cagayan University College of Law, diin gipasabot sa abogado nga ang pagpostpone sa election usa ka pag-ipit sa tingog sa publiko nga gusto na unta og bag-ong mga huna-huna ug kalamboan sa ilang mga komunidad.
Gidugang pa ni Atty. Tan nga daw sama sa gipugos pagpalamoy sa tutunlan sa katawhan ang mga opisyal nga dili na unta nila gusto nga magpabilin sa pwesto.
Tungod niini, nagpasidaan ang maong abogado nga kinahanglang hatagan og bili ang kahigayonan sa pagbag-o imbes nga sigehan og postpone ang piniliay alang sa kalamboan sa nasud
