Gitan-aw ni Atty. Pat Trimor sa Trimor Law Office nga sobra ug daw resulta sa fishing expedition ang pagpresentar sa sobra baynte ka kahon nga dokumento sa bank records batok sa Bise Presidente sa impeachment trial sa miaging Lunes.
Gipadayag sa private legal practitioner nga nag-inusarang 125 million pesos nga confidential fund lamang ang opisyal nga ginatuki sa kaso ug dili na kinahanglan nga apilon ang ubang mga personal nga akawnt nga walay labot.
Gisaysay sa abogado nga giprotektahan sa balaod ang mga dollar account samtang kinahanglan ang opisyal nga order sa Impeachment Court alang sa pagrekisa sa mga peso account
Tungod sa gipahimutang nga kakuwang sa igong oras sa depensa sa pag-review sa dako nga bulto sa mga papelis, gihatagan usab og pagtagad sa opisyal ang isyu sa due process sa natad sa hustisya.
