VP Sara Duterte's defense team confirms witness presentation in the Sara Duterte Impeachment trial may extend to December. Get the latest on the proceedings.

Mi-abiso ang kampo sa depensa nga posibleng moabot pa hangtod sa bulan sa Disyembre ang presentasyon sa ilang mga saksi sa impeachment trial.

Gikompirmar kini ni Atty. Michael Poa, tigpamaba sa defense team ni Bise Presidente Sara Duterte, taliwala sa nagpadayong paghisgot sa Article 2 o ang giingong unexplained wealth sa Bise Presidente.

Matod pa ni Poa, lagmit mahuman sila sa Disyembre apan nag-agad gihapon kini sa schedule nga ipagawas sa impeachment court, bisan tuod nga tanan gusto nga mapaspasan ang dagan sa proseso.

Sa pangutana kon posible bang moatubang sa trial si VP Sara ug ang iyang bana nga si Atty. Mans Carpio, matod ni Poa nga hulaton lang kon unsaon pagpadagan ang husay ug masayran ra kini daan tungod kay kinahanglan silang mo-file og manifest.

Gidugang usab ni Poa nga gibanabanang tulo ngadto sa upat ka saksi ang ilang ipresentar karong semanaha ug lima sa sunod semana, dungan sa paggiit nga wala silay tuyo nga langayon o dugayon ang impeachment trial.