CAGAYAN DE ORO CITY – Gikinahanglan magpu-asa ang mga Kristiyano.
Kini ang pasidaan ni Bro Wilson Amad, bise presidente sa Confraternity of the New Apologetics sa Archdiocese of Cagayan de Oro sa pakighinabi sa Bombo Radyo.
Miingon si Amad nga ang pagpu-asa simbolo sa pagpenetinsya sa mga Kristiano sa ilang mga sala nga nabuhat sa milabay’ng tuig.
Gibutyag si Amad nga usa ra ka semana sulod sa usa ka tuig ang semana santa, busa, human sa puasa, duna may selebrasyon sa pagkabanhaw diin mahimong muselebrar ang katawhan pinaagi sa salu-salu sa pagkaon.
Gi-awhag ni Amad ang tanan sakop sa Kristohanong Katilingban nga ipaambit kining mga pagkaon sa mga kabus nga walay makaon sa Easter Sunday.
