CAGAYAN DE ORO CITY – Giawhag sa Archdiocese of Cagayan de Oro ang tanan mga naglangkob sa Kristohanong Katilingban nga magpuasa panahon sa Semana Santa.
Namahayag si Bro. Wilson Amad, Bise-Presidente sa Confraternity of the New Apologetics sa Archdiocese of Cagayan de Oro City, nga kung mahimo “light meals” lang ang kan-on aron sa tibook semana, makaginhawa ang lawas sa tawo ug makahalad sa daghang pag-ampo.
Nagtoo si Amad nga kung busog ang tiyan, mas minus ang tsansa nga makahinuklog ang usa ka Kristiano.
Siya miingon nga kung mabusy ang tiyan sa pagtunaw sa gikonsomo nga pagkaon, dali ra kapuyon ang lawas ug wala nay oras nga magahin alang sa pag-ampo.
Gibutyag sa laygo nga ang pagpuasa sa pagkaon maoy magtukmod sa tawo sa uban pang klase sa pagpuasa sama sa paglikay sa pakighilawas, pagsulti sa masakit nga pulong, ug pakig-away.
