Klarong paglapas sa probisyon sa Konstitusyon ang gihimong pagpuno ug pag-usab sa Kamara ug Senado sa national budget gikan 2024 hangtod 2026.
Sa eksklusibong pakighinabi sa Bombo Radyo kang United People’s Initiative President Atty. Virgilio Reyes Garcia, gibutyag niini nga gibastos sa mga lehislador ang balaod human gidugangan ang pondo nga gisumite sa Pangulo.
Subay niini, gipasabut sa abogado nga ang katungod ra sa mga senador ug representante mao ang pagkunhod sa badyet ug dili ang pagdugang sa kinatibuk-ang pondo sa nasud.
Tungod niini, naglaum ang grupo nga aksyonan sa labing taas nga hukmanan ang maong giingong illegal nga pag-usab sa pondo sa publiko.
