Bug-at ang gibati sa mga transport sector gumikan sa walay hunong nga pagsaka sa presyo sa krudo nga miabot na og 117 pesos matod pa ni Luzminda R. Escobidal sa Presidente sa PN Roa Canitoan Transport Cooperative.
Dugang pa niya, bisan pa man og giaprubahan sa LTFRB ang fair increase niadtong March 18, 2026, gisuspenso ra gihapon kini sa presidente hinungdan nga nagpadayon ang ilang kalisod.
Samtang gihisgutan usab niya nga ang ilang nadawat nga fuel subsidy nga 10,000 pesos sa modernisadong sakyanan ug 5,000 pesos sa traditional jeepney kay usa ra ka adlaw ug tunga nagamit.
Busa nanawagan ang maong lider sa kooperatiba nga unta hatagan sila og saktong pagtagad ug dugang tabang aron mabuligan ang mga drayber ug operador sa ilang matag adlaw nga panginabuhi
