Gibida sa Philippine National Police ang ilang usa ka tuig nga kampanya batok kreminalidad, alayon sa ilang pagselebrar sa ika-124 anibersaryo sa katukuran sa ilang organisasyon.
Namahayag si PNP Chief General Nicholas Torre III nga musumada sa 54.6 Billion pesos ang kantidad sa ilegal nga druga ang ilang nakompiskar gikan sa 153,609 operations nga nagresulta sa 190,568 ka mga tawong nasikop.
Dugtong niini, gipasigarbo ni Torre ang paghagba sa kremin sa tibook nasud sa 7.75% kon kapin 177,735 ka ihap sa kaso, sa Agusto 2024 hangtud Hunyo 2025, itande sa kapin 192,677 ka kaso sa susamang period sa tuig 2023-2024.
Namugos ang hepe sa PNP nga pinaagi sa ilang gipakusog nga “intensified criminality operations”, pag-aktibo sa 911 emergency call ug 3-5 minutes response, mas daghang kaso ang ilang narespondehan, busa nalimitan ang grabeng pagsaka sa kremin.
