CAGAYAN DE ORO CITY – Pugngan sa Misamis Occidental Provincial Police Office ang tanan pulitiko nga buot mutukod sa ilang kaugalingong private armies tungod sa intense political rivalry sa ilang probinsya.
Kini ang gibutyag ni Police Colonel Danilo Tumanda, ang police provincial director sa Misamis Occidental, sa pakighinabi sa Bombo Radyo.
Namahayag si Tumanda nga sa kapig 450 ka nagkadaiyang armas nga gitahan sa ilang lalawigan, laing mga armas ug ammunitions ang buot itahan ni Sinacaban Mayor Cris Mahilac,pinaagi sa iyang abogado didto sa Camp Crame ning semanaha.
Dumduman nga si Mahilac nakalista sa narcolist ni Pres Rodrigo Duterte.
Una niini, nagtoo ang mga otoridad nga anaa pa lang sa 40% sa kinatibuk-ang ihap sa mga loose firearms ang natahan kanila. Gisaad ni Tumanda nga dili undangan ang ilang kampanya.
Hisayran nga lakip sa mga mayores na nagsurrender sa ilang 16 ka high powered nga mga dili lisensyado nga armas, nagsumikad sa Oroquieta City, Clarin,Lopez Jaena ug Calamba.
