CAGAYAN DE ORO CITY – Dakong pagpihig sa katawhan kung isibog ang piliay sa brgy sa sunod tuig.
Kini ang reaksyon ni Xavier University o XU-Law School Professor Atty. Oscar Moreno kabahin sa nakaung-ong nga balaodnon nga kung pirmahan ni Pres Bongbong Marcos,walay mahitabong eleksyon sa Disyembre ning tuiga.
Gibutyag ni Moreno nga nag-agad sa buhatan ni Marcos ang kapalaran sa kagustuhan sa mga magbabalaod nga isibog ang piliay sunod tuig.
Dumduman nga adunay tulo ka senaryo nga mahitabo sa balaodbnon nga naglakip sa pagpirma ni Marcos aron masibog ang piliay;palabyon niya ang 30 ka adlaw aron natural angg pagkahimo sa balaod nga dili na pirmahan ug pag-veto nga mahimong e-overide sa mga magbabalaod nga mo-resulta sa pagkasibog sa eleksyon.
Hisayrang naghulat na ang pipila ka grupo nga dakong supak sa korte suprema aron babagan ang pag-oktaba sa piliay ning tuiga.
