CAGAYAN DE ORO CITY-Gisaway ni Citizens Watch for Good Governance o CWGG convenor Atty Antonio Soriano ang paagi sa National Bureau of Investigastion o NBI -Manila sa pagsikop kang kanhi Presidential Commission on Good Government o PCGG chairman Camilo Sabio gabii.
Matud ni Soriano nga dili angayang pakaulawan sa publiko ang pag-aresto kang Sabio ilabina nga edad-edaran na kini ug dili kaayo bug-at nga kaso ang giatubang niini.
Asoy pa ni Soriano nga mas maayo nga gipabayad lang si Sabio sa piyansa ug wala na unta kini dakpa.
Hisayran nga giaresto si Sabio tungod sa kasong kurapsyon ug malversation of funds atol sa iyang pagsilbing chairman sa PCGG.
Detinado si Sabio sulod sa NBI human gisilbi ang warrant of arrest batok kaniya.
