CAGAYAN DE ORO CITY, Philippines – Gikompirmar sa Malacanang nga si Presidente Bongbong Marcos ang nagmando nga sikopon si Russian-American vlogger Vitaly Zdorovetskiy.
Nunot kini sa nadawat nga report sa palasyo gikan sa mga pinoy nga reklamante sa Bonifacio Global City. Sa exclusive interview sa Bombo Radyo, namahayag si Malacanang Press Officer Atty Claire Castro nga gipalihok ni President Marcos ang PNP-CIDG ug Bureau of Immigration aron sikop si Zdorovetskiy.
Makita sa viral post sa Russian Vlogger ang iyang pagpanamastamas sa mg sekyu sa Global City sa miaging adlaw. Kasong kriminal ang gisang-at batok kang Zdorovetskiy, ug gideklarar nga “undesirable alien”.
Tungod sa hitabo nanawagan sa Castro sa tanan langyaw nga vlogger sa Pilipinas nga tahuron ang balaod sa nasud aron dili masusama kang Zdorovetskiy.
Laraw sa Malacanang nga ideklarar kining Persona-non-grata aron wala nay tsansa nga makabalik pa sa Pilipinas, human sa iyang deportation.
