Sayop ang gihimo sa kampo ni Antonio Trillanes, ug sa mga ahente sa National Bureau of Investigation (NBI), sa ilang pagsulay nga dakpon si Senador Bato dela Rosa sa wala pa makasulod sa senado.
Direkta kini nga tubag ni Vice President Sara Duterte human siya gipangayuan sa reaksiyon sa komosyon nga nahitabo sulod sa senado kay gilakag si Senador dela Rosa sa iyang unang adlaw sa pagbalik-tambong sa sesyon sa senado.
Gisusama sa bise presidente ang hitabo kagabie, sa kalit nga pagsikop sa iyang amahan niadtong Marso 11, 2025.
Gipasabot ni VP Inday nga imbalido ang ilang gipresentar nga warrant kay wala kini magsumikad sa korte sa Pilipinas.
