CAGAYAN DE ORO CITY – Kadaugan alang sa grupo ni kanhi Magdalo partylist Rep Gary Alejano ang paglugwa sa International Criminal Court o ICC warrant of arrest ug pagbiyahe na ni kanhi Pres Rodrigo Duterte padulong sa Netherlands kagabii.
Kini ang reaksyon ni Alejano nga wala matago nga mibati na’g kaluya tungod sa dugay nga paglugwa sa mando sa ICC aron ipapanubag si Duterte sa isyu sa extra judicial killings sa nasud.
Apan miingon usab kini nga naguol gihapon sila kay nabahin-bahin ang katawhan tungod sa maong proseso sa balaod.
Si Alejano ang unang miduso’g kaso batok Duterte sa ICC tuig 2017 pa.
Hisayrang gipamugos sa grupo nga mas gipili nila idangop sa ICC ang ilang tinguha nga ipanubag si Duterte kay nagtoo sila nga paspas ang paghatag aksyon niini ug layo sa posibleng impluwensiya.
