CAGAYAN DE ORO CITY – Dili angay angkonon sa katibuk-an sa administrasyon ni City Mayor Rolando ‘Klarex’ Uy kon unsa man ang nadawatan nga mga pasidungog sa dakbayan.
Kini tungod kay angay masayran sa katawhan nga daghang datos nga gigamit sa gipang-apilan niini nga national govt programs ang gikan pa sa panahon ni former City Mayor Oscar Moreno.
Namahayag si Moreno nga kon siya ang pasultihon, wala pa’y klarong agi si Mayor Klarex hinungdang nagsalig una kini sa mga impormasyon kabahin sa daghang mga proyekto ug programa sa milabay’ng administrasyon.
Samtang dakong insulto sa nagkadaiyang natl govt agencies nga mihimo sa pagsusi ug misukod sa kapasidad sa mga programa sa dakbayan aron lang mahatagan sa nagkadaiyang kadungganan ang katawhan.
Kini ang tubag sa city govt kabahin sa giingong karaang mga data ang gigamit sa city hall aron makaapil sa mga programa sa nasudnong kagamhanan sa tinguha nga makadawat sa mga pasidungog ang syudad.
Miingon si Janboy Actub,tigpamaba ni Klarex nga kada-tuig ang paghimo niini ug tataw nga ang kasamtangang mga programa ug mga proyekto na sa city hall ang gibasehan niini.
Hisayrang sa miaging tuig,giila sa labing unang higayon nga awardee sa SEAL OF GOOD LOCAL GOVERNANCE sa DILG ang dakbayan.
