CAGAYAN DE ORO CITY – Mismo si Majority Leader Kag. Edgar Cabanlas ang mi-lecture sa iyang mga kauban nga wala sila’y katungod nga mobalibad pagdawat kang ABC president Kag. Marlo Tabac isip bag-ong miembro sa 21st City Council sa dakbayan.
Miingon si Cabanlas nga walay balaod nga nagpugong kang Tabac aron panguluhan ang liga sa kapitanes susama sa unang duha ka ex-officio members nga gikan sa sector sa kabatan-unan ug indigenous people sa syudad.
Namahayag si Cabanlas nga hangtod nga wala pa’y hukom ang mga sumbong batok Tabac,dili usab kini malangkat sa pagka ex-officio member sulod sa konseho.
Una niini,mibarog si Konsehal Alam Lim kinsa maoy nangusog dili makalingkod si Tabac sa inaugural regular sessio nila nga dili kini angay mahatagan sa rekognasyon kay wala pa hingpit sa konseho.
