CAGAYAN DE ORO CITY – Mas mahataga’g igong seguridad sa kapolisan kuyog ang kasundaluhan ang katawhan ingon man mga kandidato kon mapaubos sa hot spot category ang usa ka lugar sa panahon sa eleksyon.
Kini ang pagpasabot ni Police Regional Office 10 spokesperson Major Joann Navarro kabahin sa ilang preparasyon sa 2025 midterm elections diin aktibong molambigit ang rehiyon.
Miingon si Navarro nga managlahi ang panglantaw ug reaksyon sa publiko sa maong isyu apan dili lisod sa mga otoridad kay mas pokus na hinoon sila sa paghatag seguridad niini.
Una usab niini,nagkatagbo na ang kapolisan,4th ID ug Philippine Coast Guard o PCG Northern Mindanao District aron mahan-ay na ang implementing security plan sa piliay sunod tuig.
