CAGAYAN DE ORO CITY-Dili suliran alang kang City Mayor Oscar Moreno kon napaubos sa PNP sa hot spot sa 2019 midterm elections ang dakbayan.
Kini human unang gikonsiderar sa Camp Crame nga dakong hitabo ang pagka-ambush-patay kang kanhi Kadingilan Mayor Joelito Jakosalem Talaid ug former Marawi City Mayor Pre Salic nga pulos natigayon sa Brgy Carmen sa dakbayan.
Miingon si Moreno nga mismo usab siya ang wala masayod kon unsa ang basehan sa PNP sa pagbutang nga hotspot ang syudad ning tuiga.
Nagtoo si Moreno nga mausab pa ang kategorya sa dakbayan oras nga matuki sa Comelec kauban ang PNP ug AFP sa dili pa magsugod ang election period.
