CAGAYAN DE ORO CITY – Nagsilbing garbo sa Cagayan de Oro ug Misamis Oriental ang pagsilbing presidente sa senado sa mag-amahan nga Atty Aquilino ‘Nene’ Jr ug Atty Koko Pimentel.
Ingon ani ang pag-ila ni kanhi Cagayan de Oro Lone District Congressman ug former City Mayor Constantino ‘Tennix’ Jaraula sa mag-amahang Pimentel nga mikulit sa politica history sa Kongreso sa nasud.
Miingon si Jaraula nga dili na angay ibat-bat ang mga nahimo ni Pimentel Jr kay mismo ang kasaysayan ang magsulti kon unsa nga klase kini nga opisyal sa nasud.
Si Jaraula ang nasaksi sa pagsugod sa politika ni Pimentel hangtod nga sila nagkauban sa PDP-Laban nga nahimugso dinhi sa syudad nga ilado nga oposisyon batok sa mga Marcos.
