CAGAYAN DE ORO CITY – Gipadaplin sa Partido Padayon Pilipino ang ilang garbo ug subling gidawat si kanhi City Mayor Oscar Moreno aron maporma ang alyansa nga mo-alkontra sa pamunuan incumbent City Mayor Rolando ‘Klarex’ Uy sa sunod tuig nga piliay.
Kini ang pag-angkon ni Padayon Pilipino Party-Cagayan de Oro chairman 1st District Cong.Lordan Suan paghuman sa ilang pagduso sa sertipiko de kandidatura sa Comelec ning syudad kagahapon sa buntag.
Miingon si Suan nga dunay pagsupak sa pipila ka loyalista sa partido apan mas mitigbabaw ang hukom nga da-on si Moreno aron daw ilang haw-ason sa kasamtangang kahimtang sa dakbayan.
Hisayrang bugtong sa pagka-kongresista sa segundo distrito lang ang wala butangi’g kandidato sa alyansa sa partido kay alang kanila dili angay magka-kontra si Suan ug Cong.Rufus Rodriguez nga pulos sakop sa mayoriya sa kamarabaha.
