Gisaway sa Peoples Constitutional Reform Initiative ang pagsubay sa Pilipinas sa gipatumang International Oil Price Index sa Fuel Pump.
Gibutyag sa PCRI Lead Advocate Manny Lopez nga sayop ang pagsalig sa international oil price index kung hisgutan ang “reference” sa presyo sa fuel pump sa nasud.
Siya miingon nga ang tinuod nga gasto sa inventory sa lana mas ubos pa sa $70 kada bariles ug wala nagpakita sa kasamtangang presyo sa retail market.
Sa pagkakaron, gibutyag ni Lopez nga molapas na kini sa $100 hangtod $120 kada bariles apan dili kini mao ang presyo sa aktwal nga palit sa pump.
Gipasabot usab niini nga managlahi ang presyo sa lana kada nasud tungod sa gasto sa logistics sa pag-import sa lana, ug mas taas nga ruta kay sirado ug delikado pa ang Strait of Hormuz. Busa, kinahanglan nga tukion ug tarong sa gobyerno kung pila ang tawhanong presyo sa pagpamaligya’g lana pag-abot sa Pilipinas.
