Mipalag si Cagayan de Oro 2nd District Representative Rufus Rodriguez dihang naukay sa deliberasyon sa House Committee on Justice ang tibook financial picture ni Vice President Sara Duterte.
Gikuwestiyon ni Rodriguez ang proseso kay halata kini nga fishing expedition, kundiin nag mosyon si Bicol Saro Partylist Terry Ridon nga sakop sa imbestigasyon ang mga kompanya nga nalista sa 2023 ug 2024 Statement of Assets, Liabilities, and Net Worth (SALN) sa bise presidente, lakip na ang Geometry, Security, Anyanan Shores, ug Cable Tow.
Agig tubag, gitin-aw ni Ridon nga dili sakop sa imbestigasyon ang mga pribadong hisgutanan sa kaso mga kliyente sa law firm.
Gitataw ni Ridon nga gikinahanglan lamang sa komite ang mga dokumento nga gisumiter sa Securities and Exchange Commission (SEC) sama sa audited financial statements ug general information sheets aron makita ang financial output niini.
Namugos si Ridon nga importante nga makuha ang maong mga dokumento aron mabwripikar ang pagdako sa net worth sa bise presidente, nga kasagaran giingon sa iyang mga taga-suporta nga gikan sa kita sa mga negosyo ug sa law firm.
