CAGAYAN DE ORO CITY – Silotan na ang katawhan nga dili magsul-ob sa facemask kon sila mohimo’g paglakaw-lakaw ilabina sa mga pampublikong lugar sa syudad.
Kini human ipasar ang ordinansa diin nagmando sa tanang tawo ilabina kadtong mga mosulod sa syudad nga mosul-ob gayud sa facemask samtang anaa pa ang bahad sa coronavirus disease.
Miingon si Kag Edgar Cabanlas nga pirma na lamang ni City Mayor Oscar Moreno ang kulang ug gilayon na kining ipatuman dinhi sa syudad.
Dumduman nga sukad nasudlan sa coronavirus ang nasud,may usa na ka residente sa syudad ang natakdan ug kasamtangang anaa sa Northern Mindanao Medical Center.
