CAGAYAN DE ORO CITY-Gitawag sa militar nga dakong kalamidad ang pagsunog sa rebeldeng New People Army o NPA sa mga lawak saringan nga iya sa Valencia City National High School Annex sa Barangay Concepcion,Valencia City,Bukidnon.
Kini human daw gihikawan sa mga rebelde nga magbaton sa maayong kaugmaon ang kabataan nga tudluan unta sa mga magtutudlo sa maong tunghaan.
Gibutyag sa Bombo Radyo ni 4th ID spokesperson Capt Joe Patrick Martinez nga dayag nga kasupakan sa Comprehensive Agreement on Respect for Human Rights and International Humanitarian Law (CARHIL).
Matud ni Martinez nga gisulayan sa mga rebelde nga kilkilan ang school administrators apan nagmagahi hinungdan nga gidauban ang mga gambalay sa tunghaan.
Dugang sa opisyal nga subay sa pagsusi sa 8th IB,Philippine Army nga anaa pa gihapon sa kalisang ang mga magtutudlo ug kabataan tungod sa hitabo.
Gibana-bana nga anaa sa P166-mil ang initial nga structural damage sa hitabo.
Una nang gisupak sa militar ang initial nga pahayag sa Bureau of Fire Protection o BFP nga electrical short circuit ang hinungdan ilabina nga nahitabo ang sunog sa mismong adlaw’ng Domingo diin walay klase ang mga bata.
