Dihadiha nga nahatagan og medikal nga tabang ang pipila ka mga bisita nga nakasinati og suliran sa panglawas sulod sa City Memorial Park sa natapos nga Kalag-Kalag.
Gipahayag ni City Information Officer Jade Adeser nga nakatala sila og upat hangtod lima ka kaso sa pagtaas sa blood pressure ug paglabad sa ulo, gawas sa pipila ka minor nga samad sa tiil.
Giklaro sa opisyal nga paspas nga nakatugbang ang tulo ka first aid stations sulod sa sam-ang aron matagaan dayon og paunang tambal ang mga apektadong bisita.
Human maatiman sa health desk, gi-atiman usab sila sa libreng sakay sa barangay aron maseguro ang ilang luwas nga pagpamauli.
