Gikaalarma ni Dr. Ronald Romano, Medical Officer III ug Chairperson sa HIV & AIDS Core Team sa Nest Wellness Hub, ang pagsaka sa gidaghanon sa mga pasyente nga dunay sakit nga HIV dinhi sa nasod.
Base sa iyang pamahayag, samtang nikunhod ang kaso sa HIV sa tibuok kalibutan og 40%, sukwahi kini sa nasinati sa Pilipinas nga nakatala og 555% nga pagtaas sa bag-ong mga kaso.
Dugang pa ni Dr. Romano, nikabat usab sa 667% ang pagsaka sa gidaghanon sa mga nangamatay tungod sa mga sakit nga may kalabotan sa AIDS taliwala sa mga tuig 2010 hangtod 2024.
Tungod niini, gihulagway sa doktor ang maong sitwasyon isip usa ka silent epidemic nga kinahanglan gayud nga i-address isip usa sa mga prayoridad sa Department of Health.
Busa, giawhag sa mga medical professional ang katawhan nga mag-avail og libreng konsultasyon ug check-up aron daling ma-detect ang maong sakit ug mapugngan ang dugang pa nga pagtakod niini.
