Dakong kausaban ug ilogay sa gahom ang mahitabo sa pulitika sa BARMM human nga nagtabla ang duha ka pinakadagkong partido—ang United Bangsamoro Justice Party kun UBJP ug Bangsamoro Peoples Party kun BFP—nga nakakuha og tag-31 ka pwesto sa eleksyon.
Mao kini ang gipahayag sa MSU 4 Palestine Lead Convenor nga si Asmana Umpat, diin gitin-aw niya nga mahimong lisod ug importante kaayo ang dagan sa gobyerno sa rehiyon tungod kay gikinahanglan na nilang makigtambayayong sa mas gagmay nga grupo.
Gitudlo ni Umpat nga mahimong kingmaker o maoy magbuot sa modaug nga alyansa ang mas gamay nga partido sama sa Bangsamoro Grand Coalition kun BGC nga maoy nagkupot sa importanteng mga boto aron makuha ang kadaghanan.
Gidugang sa opisyal nga mas moinit pa ang kahimtang sa pulitika sa BARMM samtang nag-agaway ug nagporma og bag-ong mga grupo ang matag paksyon aron lang mapanalipdan ang ilang lugar sa gobyerno.
