CAGAYAN DE ORO CITY-Nabalaka karon ang local govt unit officials nga matakbuyan sa mga sakit ang katawhan nga nalukong ug nagpabilin sa Marawi City.
Kini human daghang patay’ng lawas pa sa mga tawo ang pakyas makuha sa gobierno nga kabahin sa gipang-patay sa mga terorista sukad miulbo ang engkuwentro tali sa militar nga nagsugod sa miaging semana.
Gibutyag ni Lanao del Sur 2nd District Board Member Abdulhamid Umpa Amerbitor nga dili na maayo ang baho sa pipila ka bahin sa Marawi City tungod sa daghang mga patay nga dugta na ning panahona.
Nasayran nga kapin 100 ka tawo na ang kumpirmadong namatay sa kagubot sa Marawi City.
