Gisaway sa lay theologian nga si Wilson Amad ang kapolisan nga kunohay nag-checkpoint o nag-optics lang ug nagtapok sa mga mall diin aduna na’y mga guwardya, samtang padayon ang mga krimen sa syudad.
Sumala ni Amad, dili angay nga magtambay ang kapolisan sa mga establisemento kon dili kinahanglang ipakatap ang presensya sa tibuok palibot aron makapaundang sa mga kriminal.
Giklaro usab sa theologian nga mahimong kawang ang mga CCTV camera kon magtabon sa nawong ang mga kriminal, hinungdan nga mas gikinahanglan ang klarong pagpakita sa authority sa kadalanan.
Tungod sa sitwasyon, gisugyot sa eksperto nga ipakatap ang mga graduwado sa criminology aron modala sa trapiko ug magpatrolya alang sa kaluwasan sa publiko.
