CAGAYAN DE ORO CITY, Philippines – Gisugat sa walag tuo nga drones ug missile attack ang unang tuig sa anibersaryo sa pag-atake sa Hamas Militants sa Music Festival sa Kibbuts Area sa Israel, kagabie.
Namahayag ang Israeli Defense Force nga nagsumikad ang mga opensiba sa Gaza ug sa Lebanon.
Pito ka tawo ang samaran sa tolo ka lugar sa Northern Israel, partikular sa syudad sa Haifa, Tiberias ug Tel Aviv City.
Sa kapin gatus ka mga rocket nga napalupad tolo ka ang nakatipas sa Iron Dome tungod sa nagpungasi nga pagbombardiyo sa Hamas Militants sa Gaza ug Hezbollah Terror Group sa Southern Lebanon.
Gihimakak sa IDF ang report nga dunay duha ka IDF Members ang patay sa atake sa Tel Aviv.
Sa pikas bahin, namalik sa encounter site ang mga nahibiling pamilya sa mga biktima nga gi-atake sa Hamas, dihang gipahigayon ang Nova Festival.
Niadto, kapin kun kulang 400 ka batan-on nga misalmot sa music festival ang gimasaker sa mga militante, ug 250 ang gidagit.
