CAGAYAN DE ORO CITY – Wala panumbalinga ni City Mayor Rolando ‘Klarex’ Uy ang batikos nga iyang nadawat gikan sa socila media diin naghulagway sa dakbayan nga sama sa Ozamiz City sukad napaubos na sa iyang pagdumala.
Kini human gipamugos sa pipila ka netizens nga daw hadlok na ang sitwasyon gumikan sa pipila ka dugu-ong kremin sulod lamang ning bulana.
Miingon ang mayor nga kon dunay pipila ka badlungon gikan sa Misamis Occidental apan mas daghan ang tarong ug nanginabuhi nga subay sa balaod.
Gihimo ni Uy ang pagtubag mismo atubangan sa kadagkuan sa COCPO officials samtang mihatag sa katin-awan sa tinud-anay nga kahimtang sa seguridad sa dakbayan kagahapong adlawa.
Si Klarex ang naggikan sa lungsod sa Bonifacio sa Misamis Occidental ug dinhi na nangempleyo ug nahimong politiko sa dakbayan sa dugay’ng panahon.
