Gipamugos ni Jessica Reyes-Cantos, ang Co-Convenor sa Social Watch Philippines ug Presidente sa Action for Economic Reforms, nga dili sila batok sa paghatag og tabang sa mga kabus apan gipangayo sa grupo nga tangtangon ang ayuda politics sa 2027 national budget.
Gipadayag sa grupo nga kinahanglang idirekta sa mga husto nga ahensya sama sa PhilHealth ug CHED ang paghatag og serbisyo imbes nga muagi pa sa rekomendasyon sa mga politiko.
Gipunting usab sa lider nga ang kasamtangang pamaagi kay naghimog utang kabubut-on sa katawhan samtang ang pondo gikan ra sa mismong buhis sa publiko.
Busa, gipanawagan sa maong kapunungan ang kahayag sa paggahin sa budget aron dili kini maadto sa bulsa sa mga kawatan ug magamit sa kaugalingong interes sa eleksyon.
