CAGAYAN DE ORO CITY – Mi-apelar si Baguio City Police Office City Director Police Colonel Allen Rae Co sa pamilyang Dormitorio nga tas-an ang pasiyensa ug ipalig-on ang ilang pagsalig sa justice system sa nasud.
Nunot kini sa pagreport ni Co kang Dexter Dormitorio sa kalambuan sa ilang imbestigasyon ug duol na nilang mahuman ang pagfile sa kaso batok sa pito ka kadete sa Philippine Military Academy nga mipatay kang Cadet 4th Class Darwin Dormitorio.
Gibutyag sa opisyal nga posibleng sunod semana maduso ang kaso sa piskalya.
Apan gitin-aw sa PNP nga dili pa kini garantiya nga mahuptan sa pamilyang Dormitorio ang gipangita nga hustisya ilabina nga taas nga proseso ang pagtaral kaso sa korte.
