Gipahinumdoman sa Mental Healthline ang tibuok komunidad nga may tulubagon ang matag usa sa pagbantay sa mga bata taliwala sa nagaka-saka nga kaso sa shooting incidents nga naglambigit sa mga batan-on.
Sumala ni 24-Hour Health Line Focal Person CJ Carl Salcedo, dili lang sa panimalay natapos ang responsabilidad kon dili nagkinahanglan kini og pagtinabangay sa tibuok katilingban.
Gitin-aw sa opisyal nga kon magdula ang mga menor de edad uban ang ubang bata, dako ang panginahanglan nga adunay mga hamtong sa palibot nga mogiya ug magbantay sa mga lihok.
Gumikan niini, gi-awhag ang mga molupyo nga motabang sa paggiya sa kabatan-onan aron matultolan sa hustong agianan ug masiguro ang kaluwasan sa tanan.
