Nanawagan sa pagpananom sa dugang nga mga punu-an sa kahoy ang katekista nga si Wilson Amad.
Partikular nga gusto ipatanom niini ang kahoy nga balite aron mapreserbar ang kinaiyahan ug malikayan ang kadaot sa kabukiran sa Mindanao.
Siya miingon nga ang pagtanom makatabang sa pagdani sa mga langgam nga maoy usa sa hinungdan sa pagpadaghan sa mga punoan.
Si Amad namugos nga ang kakulang sa kahoy mahimong hinungdan sa problema sa yuta ug kalasangan nga makaapekto sa komunidad.
Iya usab gi-awhag ang gobyerno nga muhimog lakang sa pagprotiher sa kinaiyahan kay kung mapasagdan ang pag gusbat niini, mahimong makaluluoy ang umalabot nga henerasyon.
Mahinumduman nga gihagit ni Archbishop Jose Cabantan ang publiko sa pag-obserbar sa tolo ka E’s panahon sa Easter. Kini gilangkoban sa Easter Faith, Energy Crisis, ug Ecological Crisis.
