CAGAYAN DE ORO CITY-Magtagbo ang duha ka komitiba sa senado alang sa usa ka regional consultation sa pag-amendar sa 1987 Philippine Constitution sa Xavier-Ateneo Sports Center, El Camino Real Avenue, Pueblo de Oro sa syudad sunod semana.
Panguluhan ni Sen Kiko Pangilinan,chairman sa constitutional ammendments committee sa senado ug Sen Richard Gordon sa komitiba sa electoral reforms and people’s participation ang katiguman sa alas 10 sa buntag sa Peb 22 ning tuiga sa maong lugar.
Nagtoo si Comelec regional director Atty Reynato Magbutay nga kabahin sa mahimong tukion usab niini ang hisgutanan sa Bangsamoro Basic Law o BBL ug pederalismo nga gingusgan ni Pres Rodrigo Duterte.
Gihulat usab nila ni Magbutay kon kabahin ba ang ilang ahensiya nga imbitaron sa maong kalihukan ning syudad ning semana.
