CAGAYAN DE ORO CITY, Philippines – Gikompirmar ni First Lady Lisa Araneta Marcos ang pagtukod sa Presidential Museum.
Pinaagi sa facebook post, gi-anunsyo sa Unang Ginang ang madugang sulod sa pasilidad sa Malacañang Heritage Mansions.
Gibutyag niini nga nakigtagbo siya sa pipila ka mga opisyal niadtong Huwebes aron ma-finalize ang mga plano alang sa soft opening sa museum.
Ang bag-ong museyo adunay pito ka mga galeriya nga magpakita sa mga nahimo sa mga kanhi presidente sa nasud, lakip na ni Presidente Ferdinand Marcos Jr.
Ipakita usab niini ang mga timeline sa kasaysayan ug pipila ka mga artifacts.
Aduna usab kini tindahan alang sa publiko diin mapalit ang mga souvenir.
Miingon si Marcos nga buksan kini sa publiko sa dili madugay, ug dili na siya makahulat nga ipakita kini sa tanan.
