CAGAYAN DE ORO CITY -Nagbukal pa gihapon ang kainit ug kahugaw sa politika tali sa pamilyang Uy ug Suan diha sa premiro distrito sa dakbayan.
Kini human aksuahi sa panig ni Cagayan de Oro 1st District Cong. Atty Lordan Suan si City Mayor Rolando ‘Klarex’ Uy nga pag-ipit sa iyang pagtul-id sa dalan sa Macanhan,Brgy Carmen lahos sa Brgy Balulang ning syudad.
Namahayag si Suan nga wala hatagi’g permit sa taga-RTA ang DPWH aron unta masugdan na ang pagtul-id sa gusbat nang dalan gamit ang 5 milyones pesos nga pondo.
Apan namahayag usab ang kampo sa city hall nga mas una nakagahin sa pondo ang city hall balor 2.5 milyones pesos alang niini.
Hisayrang pila ka dekada nang gireklamo ang maong porsyon sa dalan sa Macanhan diin dugay’ng panahon nga kapitan sa brgy ug kongresista sa maong distrito si Uy.
