CAGAYAN DE ORO CITY-Nagtoo ang kapolisan nga inside job ang pagkatulis sa cooperative manager nga gikan nag-withdraw sa 5 milyon pesos nga salapi sa bangko sa Malaybalay City,Bukidnon.
Kini human unang gipusil sa tulisan ang biktima nga si Medardo Sajonia,62 anyos samtang pasulod sa opisina dala ang salapi sa miaging adlaw.
Miingon si Malaybalay City Police Station commander Supt Alfredo Ortiz Jr nga imposible nga isulod sa backpack ang salapi ug gisakay lamang sa motorsiklo.
Kasuhan nila sa robbery with homicide ug illegal possession of explosives sila si Rolly Gornes Bazares nga taga-Magallanes Sorsogon;Daniel Arado Buyan sa Cabadbaran City,Agusan del Norte ug Oliver Saluday Saunay sa Monkayo,Compostela Valley Province ug laing usa ka at- large.
Nabawi sa mga nasikop nga suspek ang kapin 3 milyon pesos;tulo ka hand grenades;Toyota Revo;motorsiklo ug upat ka
celphones.
Nasayran nga gipusil pa sa usa sa mga suspek si Sajonia rason nga kini nakaangkon sa tulo ka samad sa lawas niini.
