CAGAYAN DE ORO CITY – Kumpiyansa ang naglangkob sa Office of Presidential Adviser for Marawi Rehabilitation nga makumpleto na ang tanang gimbuhaton alang sa kanhi mga bakwit sa syudad sa Marawi,Lanao del Sur.
Kini human mismo na si Pres Bongbong Marcos ang nakatutok sa Marawi rehabilitation pinaagi sa pag-usab sa task force nga sobra unom ka tuig nagtrabaho sa pagpabangon sa maong syudad.
Namahayag si Office of Presidential Adviser for Marawi Rehabilitation Asst Secretary Felix Castro nga mas paspas na ang proseso kay dili na mosugot si Marcos nga maabtan sa lain na pud nga administrasyon.
Hisayrang sukad gitukod ni kanhi Pres Rodrigo Duterte ang task force igo paghuman sa Marawi Seige tuig 2017,naapsan kini sa pagka-ubos sa iyang termino rason pabiling wala pa nakabalik ang mga bakwit sa kaugalingon nilang mga puy-anan.
