Gisaway sa kanhi Commission on Elections ug Commission on Audit Commissioner Atty. Rowena Guanzon ang pagpabayad sa kagamhanan sa krisis sa inflation ug ang hulga sa pagsaka sa exchange rate ngadto sa 64 pesos matag usa ka dollar tungod sa sige’g ka-okupado sa isyu sa impeachment.
Gipahayag sa kanhi opisyal nga daw walay kaluoy ang pamahayag sa Bangko Sentral Governor bahin sa pagdaginot samtang ang maong pwesto nagdawat og kapin 30 milyon pesos nga suweldo ug usa ka milyon pesos nga discretionary fund.
Gipunting usab ni Guanzon ang kakulang sa hustong kaalam sa mga nagdumala sa Department of Agriculture ug DPWH nga wala nagmando subay sa ilang gigikanang propesyon ug kahanas.
Aron ipasabot kining maong seryosong mga isyu sa gobyerno, nakatakda nga makig-istorya ang kanhi komisyoner sa mga estudyante sa usa ka tunghaan sa syudad aron imulat ang kabatan-onan sa tinuod nga sitwasyon sa nasud.
