Subling nagpanawagan ang Kalipunan ng Damayang Mahihirap kun KADAMAY sa dinalian nga nasyonalisasyon sa industriya sa lana taliwala sa walay hunong nga pagtaas sa presyo sa petrolyo sa nasod.
Giapelar ni KADAMAY Secretary General Mimi Doringo sa gobyerno ang pagtangtang sa Value Added Tax kun VAT ug excise tax aron ma-rollback ang presyo ngadto sa 55 pesos matag litro alang sa dugang kita sa mga tsuper.
Gipadayag sa opisyal nga samtang nag-antos ang publiko, mukabat sa 544 million pesos matag adlaw ang nakolekta sa gobyerno gikan sa buhis ug nikita pa og 3.8 billion pesos ang Petron sa unom ka bulan.
Tungod niini, gitin-aw sa organisasyon nga angay ang mga dagkong negosyante na usab ang magsakripisyo ug dili ang mga yanong katawhan nga gipit na sa pang-adlaw-adlaw nga krisis.
