MAKAUULAW! Mao kini ang reaksyon ni kanhi Cagayan de Oro City Mayor Atty. Constantino Tinnex Jaraula kalabot sa wala pagtunga ug pag-walkout sa mga senador sa ilang mga sesyon.
Matud pa sa kanhi mayor, makauulaw ang maong hitabo dili lang sa atong nasod, kundili lakip na sa atong mga silingan sa Asya ug sa United Nations nga padayong nag-monitor sa atong mga opisyal.
Gihulagway ni Atty. Jaraula nga nagpakita kini og kawalay pagka-responsable ug pagkabata sa mga senador sa ilang mga obligasyon sa trabaho.
Tungod niini, nanawagan siya sa mga katawhan nga magmatngon sa pagpili og mga lider sa umaabot nga eleksyon ug dili magpadala sa mga sugyot nga kwarta.
Gihatagan og gibug-aton ni Atty. Jaraula nga responsibilidad sa mga senador nga magpakita og sakto nga panerbisyo imbis nga mag-iresponsable sa Senado.
