Tungod sa kontrobersiya sa impeachment trial sa Bise Presidente, gipasabot sa abogadong si Attorney Art Ubaub sa Art and Partners nga dili pinal ug dili opisyal nga desisyon ang unang pahayag ni Presiding Officer Francis “Chiz” Escudero bahin sa 16 ka boto tungod kay ang tibuok majority bloc man sa Senado ang kinahanglang magdesisyon niini.
Gipahayag sa maong legal expert nga kinahanglang sundon gihapon ang balaod sa Konstitusyon diin 2/3 ka bahin nga boto gihapon ang gamiton isip basihan bisan pa man kon 20 ka senador ra ang makatambong.
Gibutyag usab niya nga kon kuhaan og 2/3 ang 20 ka nahabilin nga senador kay mahulog kini sa 13.33, mao nga kinahanglang i-round off ug himoong 14 ka boto aron makab-ot ang gikinahanglang gidaghanon.
Dugang pa sa maong abogado, mas uyon siya sa panan-aw sa ubang kanhi huwes nga kinahanglang sabton ang balaod sa paagi nga makatabang ug makahatag og hustisya imbes nga mag-una ang kalibog sa kompyutasyon
